നവംബര്‍ 1 കേരളപ്പിറവി ദിനം..
നമുക്ക് സ്നേഹിക്കാം ..., ചെമ്പകമൊട്ടിൻറെ...
മഴയുടെ... മകരക്കാറ്റിന്‍റെ... പുതുമണ്ണിൻറെ...
പാലപ്പൂവിൻറെ മണമുളള.....
നമ്മുടെ കേരളത്തെ ...
നമുക്ക് മറക്കാതിരിക്കാം
മലയാള ഭാഷയെ...
മലയാളത്തിൻറെ നന്മയെ...
സ്നേഹത്തെ, വാത്സല്യത്തെ....
ടി.ഡി. രാമകൃഷ്ണൻ എഴുതിയ ഒരു മലയാളം നോവലാണു സുഗന്ധി എന്ന ആണ്ടാൾ ദേവനായകി..
തമിഴ്പുലികളാല്‍ കൊലചെയ്യപ്പെട്ട രജനി തിരണഗാമ എന്ന മനുഷ്യാവകാശപ്രവര്‍ത്തകയുടെ ജീവിതം സിനിമയാക്കുകയെന്ന ലക്ഷ്യത്തോടെ ഒരു ഹോളിവുഡ് സിനിമാസംഘത്തോടൊപ്പം ശ്രീലങ്കയിലെത്തിയതാണ് പീറ്റര്‍ ജീവാനന്ദം എന്ന എഴുത്തുകാരന്‍. ശ്രീലങ്കന്‍ സര്‍ക്കാരിന്റെ പിന്തുണയോടെയാണ് പ്രസ്തുത സിനിമ നിര്‍മ്മിക്കുന്നത്. തമിഴ് വിമോചനപ്പോരാളികളുമായി വര്‍ഷങ്ങള്‍ നീണ്ടുനിന്ന യുദ്ധത്തില്‍നടന്ന മുഴുവന്‍ മനുഷ്യാവകാശധ്വംസനങ്ങളേയും വെള്ള പൂശി ലോകത്തിനുമുന്നില്‍ അവതരിപ്പിക്കുക എന്നതാണ് ഈ സിനിമാനിര്‍മ്മാണത്തിലൂടെ സര്‍ക്കാര്‍ ലക്ഷ്യം വയ്ക്കുന്നത്. എന്നാല്‍ ഒരു വിപ്ലവപ്രസ്ഥാനത്തിന്റെ മനുഷ്യാവകാശധ്വംസനങ്ങളും ജനാധിപത്യവിരുദ്ധതയും ആ പ്രസ്ഥാനത്തെ എങ്ങിനെ ഇല്ലായ്മ ചെയ്യിപ്പിക്കും എന്നത് വ്യത്യസ്തമായൊരു തലത്തില്‍ വെളിപ്പെടുത്തുക എന്നതാണ് ഈ സിനിമകൊണ്ട് പീറ്ററും കൂട്ടരും ഉദ്ദേശിച്ചിരുന്നത്. മുമ്പൊരിക്കല്‍ ഇതേ സിനിമാപദ്ധതിയുമായി നടക്കുകയും ഒടുവില്‍ കഷ്ടിച്ച് ജീവനുംകൊണ്ട് രക്ഷപ്പെടുകയും ചെയ്ത ആളാണ് പീറ്റര്‍ ജീവാനന്ദം. ഇയക്കത്തിലെ ഒരു പെണ്‍ പോരാളിയായിരുന്ന സുഗന്ധിയുമായി പീറ്ററിന് അടുപ്പമുണ്ടായിരുന്നു. ആ സുഗന്ധിയെക്കുറിച്ചുള്ള വിവരങ്ങള്‍ ശേഖരിക്കുക എന്നതും പീറ്ററിന്റെ ഉദ്ദേശ്യങ്ങളിലൊന്നാണ്.
തിരക്കഥാരചനയും ചര്‍ച്ചയും ഒക്കെയായി മുഴുകിയിരിക്കുമ്പോഴാണ് മീനാക്ഷി രാജരത്തിനം എന്ന പേരില്‍ ഒരാള്‍ എഴുതിയ ദേവനായകിയിന്‍ കതൈ എന്ന കുറിപ്പുകള്‍ പീറ്ററിനു കിട്ടുന്നത്.
ഒമ്പതാം നൂറ്റാണ്ടിന്റെ അവസാനപാദത്തിലെ കുലശേഖരസാമ്രാജ്യത്തിലുള്ള കാന്തല്ലൂരിലെ അപ്സരസുന്ദരിയായിരുന്ന ദേവനായകിയുടെ കഥയായിരുന്നു അത്. ആദ്യം കാന്തള്ളൂര്‍ മന്നനായ മഹേന്ദ്രവര്‍മ്മന്റെ എട്ടാമത്തെ റാണിയായും പിന്നീട് മഹേന്ദ്രവര്‍മ്മനെ വധിച്ച രാജരാജചോളന്റെ ഭാര്യയായും അതുകഴിഞ്ഞ് ചാം പ്രസാദെന്ന ചീനക്കാരന്‍ രത്നവ്യാപാരിയുടെ വെപ്പാട്ടിയായും ഏറ്റവും ഒടുവില്‍ തന്റെ മൂന്നുവയസ്സുകാരി മകളെ ക്രൂരമായി മാനഭംഗപ്പെടുത്തി അരുംകൊലചെയ്ത സിംഹളമന്നന്‍ മഹീന്ദ്രനോട് പ്രതികാരം ചെയ്യാനായി സ്വപ്നനഗരിയില്‍ വന്ന്‍ മഹീന്ദ്രന്റെ ഭാര്യയായി നടിച്ച് ഒടുവില്‍ സ്വപ്നനഗരിയെ തകര്‍ത്തുതരിപ്പണമാക്കാനും ഒടുവില്‍ മഹീന്ദ്രനാല്‍ ഇരുമുലകളും ച്ഛേദിക്കപ്പെട്ട് രക്തം വാര്‍ന്നുനിന്നശേഷം സംഹാരരുദ്രയായിമാറി ഒരു കാല് സിഗിരിയയിലും അടുത്തകാല് ശ്രീപാദമലയിലും വച്ച് ആകാശത്തേയ്ക്ക് നടന്നുകയറുകയും ചെയ്ത സാക്ഷാല്‍ ദേവനായകിയുടെ കഥ.
വായിച്ചുതീരുമ്പോള്‍ അങ്ങേയറ്റം അതിശയത്തോടെയും അത്ഭുതപരതന്ത്രതയോടെയും നിശ്ചലമായി കുറേയേറെ സമയമിരുന്നുപോകുന്ന അനുഭവം സമ്മാനിക്കുന്നതാണ് സുഗന്ധി എന്ന ആണ്ടാള്‍ ദേവനായകി.ഉറപ്പായും വായിക്കേണ്ട പുസ്തകങ്ങളുടെ ലിസ്റ്റില്‍ പെടുത്തുവാന്‍ മടിയൊട്ടും തന്നെ വേണ്ടാത്ത ഒന്നാണ് ഈ പുസ്തകം. ഒരു വേള മലയാള നോവല്‍ രംഗത്ത് അടുത്ത കാലത്തുവന്നതിലെ ഒരു അത്ഭുതമെന്നുതന്നെ ഈ നോവലിനെ വിശേഷിപ്പിക്കാം. നോവലിന്റെ അവസാനഭാഗമൊക്കെയാകുമ്പോള്‍ മനസ്സറിയാതെ പിടഞ്ഞുപോകും. അരുളും യമുനയുമൊക്കെ അനുഭവിക്കുന്ന പീഡനത്തിന്റെ വേദന നമ്മുടെ ശരീരത്തില്‍ അനുഭവപ്പെടും. ശ്രീലങ്കയിലെ വര്‍ത്തമാനകാല രാഷ്ട്രീയത്തിലെ മനുഷ്യാവകാശധ്വംസനങ്ങള്‍ വ്യക്ത്യവും ദൃഡവുമായ ഭാഷയിലാണ് ഈ നോവല്‍ വരച്ചു വയ്ക്കുന്നത്. പത്താം നൂറ്റാണ്ടിലെ ഒരു മിത്തിക്കല്‍ കഥാപാത്രമായ ദേവനായകിയെ കഥാകൃത്ത് അതിസമര്‍ത്ഥമായാണ് ശ്രീലങ്കയിലെ ഇപ്പൊഴത്തെ അരക്ഷിതാവസ്ഥയുമായി ചേര്‍ത്തുകെട്ടുന്നത്. എന്തുകൊണ്ടാണ് സ്ത്രീകള്‍ ചാവേറുകളായി പൊട്ടിച്ചിതറുവാന്‍ മുന്നോട്ട് വരുന്നതെന്നതിന് കൃത്യമായ ഉത്തരം ഈ നോവല്‍ തരുന്നുണ്ട്. ദേവനായകിയുടെ ഇരുമുലകളും ച്ഛേദിക്കപ്പെട്ടപ്പോള്‍ അഭിനവ ദേവനായകിയായ സുഗന്ധിയുടെ ഇരുകരങ്ങളും ച്ഛേദിക്കപ്പെടുന്നു. സ്വന്തം രാജ്യത്തുനിന്ന് ഓടിയൊളിച്ച് അഭയാര്‍ത്ഥിയായി അന്യരാജ്യത്ത് കഴിയേണ്ടിവരുന്ന എത്രയോ മനുഷ്യര്‍. സുഗന്ധിയും പൂമണിയും അരുളും യമുനയും ഒക്കെ ദുരനുഭവങ്ങളുടെ ഇരകളാണ്. ഫാസിസം അതിന്റെ പൂര്‍ണ്ണരൂപം കൈയാളിയിരിക്കുന്ന ഇടങ്ങളില്‍ വ്യക്തിസ്വാതന്ത്ര്യം എന്നതിന് പുല്ലുവിലപോലുമില്ലാതാകുന്നു. ആര്‍ക്കും എന്തും എപ്പോഴും സംഭവിക്കാം. ചോദിക്കാനാരുമില്ല. ഭരണകൂടത്തിന്റെ ഫാസിസ്റ്റ് നിലപാടുകള്‍ക്കെതിരേ രൂപം കൊണ്ട സംഘടന ഭരണകൂടത്തേക്കാളും വലിയ ഫാസിസ്റ്റ് ശക്തിയായിമാറിയെന്ന്‍ ഈ നോവല്‍ വ്യക്തമാക്കുന്നു.
എതൊരു രാജ്യത്തേയും ആഭ്യന്തരകലാപങ്ങളിലും പോരാട്ടങ്ങളിലും എറ്റവും കൂടുതല്‍ ദുരിതമനുഭവിക്കുക സ്ത്രീകളായിരിക്കും. കടന്നുകയറുവാനും വെട്ടിപ്പിടിക്കാനും രസിച്ചുമറിയാനുമുള്ള രാജ്യങ്ങളാണ് ഓരോ സ്ത്രീശരീരവും എന്ന് സര്‍വ്വശക്തികളും ധരിച്ചുവച്ചിരിക്കുന്നു. അതിനൊരു മാറ്റമുണ്ടാകുക അസാധ്യവുമാണ്. അനുഭവങ്ങളുടെ ക്രൂരത താങ്ങാനാവതെ ഓരോ സ്ത്രീയും ചാവേറായി മാറിയെങ്കിലും പ്രതികാരം ചെയ്യുവാന്‍ മുന്നോട്ട് വരുന്നതില്‍ അത്ഭുതമില്ല.
അതിതീഷ്ണമായതും അങ്ങേയറ്റം അസ്വസ്ഥതപ്പെടുത്തുന്നതുമായ ഒരു അനുഭവമാണീ നോവല്‍.....
ഉത്തരമലബാറിലെ
കാറ്റിന്‌ ഇനി...
കനകപൊടിയുടെ ഗന്ധമാണ്‌....
മലയിറങ്ങി തെയ്യങ്ങള്‍
വരവായ്‌...
വിഷകണ്ടന്‍ തെയ്യം ....
ജാതീയമായ ഉച്ചനീചത്വങ്ങൾ കൊടികുത്തി വാണ കാലത്ത് സവർണ അടിച്ചമർത്തലുകൾക്ക് ഇരയാകേണ്ടി വന്ന അനേകായിരങ്ങളുടെ പ്രതിനിധിയാണ് വിഷകണ്ടൻ. വിഷകണ്ടന്‍റെ ഐതീഹ്യം ഒരു കാലഘട്ടത്തിന്‍റെ തന്നെ നേർചിത്രം നമുക്ക് കാട്ടിത്തരുന്നു. കൊളച്ചേരി ദേശത്തെ പ്രമാണിയും പേരുകേട്ട വൈദ്യനുമായിരുന്നു കരുമാരത്തില്ലത്ത് നമ്പൂതിരി. ഒരിക്കൽ അന്നാട്ടിലെ പേരുകേട്ടൊരു തറവാട്ടിലെ സ്ത്രീയേ പാമ്പുകടിക്കുകയും തറവാട്ടുകാർ അവരെ കരുമാരത്തില്ലത്ത് എത്തിക്കുകയും ചെയ്തു. നമ്പൂതിരി പഠിച്ച പണി പതിനെട്ടും നോക്കിയിട്ടും ആ സ്ത്രീയെ രക്ഷിക്കാനായില്ല. സ്ത്രീ മരണപ്പെട്ടുവെന്ന് നമ്പൂതിരി വിധിയെഴുതുകയും ബന്ധുക്കൾ മൃതദേഹം ഇല്ലത്തു നിന്നും ചുമന്നുകൊണ്ടു പോവുകയും ചെയ്തു തീയസമുദായത്തിൽപ്പെട്ട കണ്ടൻ എന്നയാൾ ഇതു കാണാനിടയായി. മൃതദേഹം കാണണമെന്ന് ആഗ്രഹം പ്രകടിപ്പിച്ച കണ്ടൻ മൃതദേഹം പരിശോധിച്ച ശേഷം ബന്ധുക്കളോട് മൃതദേഹം കുളത്തിൽ ഇറക്കിവെക്കാനും കുമിള പൊങ്ങി വരുമ്പോൾ പുറത്തെടുക്കാനും ആവശ്യപ്പെട്ടു. ബന്ധുക്കൾ അപ്രകാരം ചെയ്തു. കണ്ടൻ അടുത്തുള്ള തെങ്ങിന്‍റെ മുകളിൽ കയറി കൊലക്കരുത്ത് എന്ന മന്ത്രം ചൊല്ലി. കുളത്തിൽ നിന്നും കുമിളകൾ പൊങ്ങുന്നത് കണ്ട ബന്ധുക്കൾ സ്ത്രീയുടെ മൃതദേഹം കരയ്ക്കെടുത്തു. നമ്പൂതിരി മരണപ്പെട്ടുവെന്ന് വിധിയെഴുതിയ സ്ത്രീ പെട്ടെന്ന് എഴുന്നേറ്റിരിന്നുവത്രേ.
ആ തറവാട്ടുകാർ കണ്ടനു പ്രതിഫലം നൽകിയെങ്കിലും അദ്ദേഹം അത് സ്വീകരിക്കാൻ തയ്യാറായിരുന്നില്ല. അവസാനം അവർ കണ്ടനു ഒരു പുതിയ വീട് നിർമിച്ച് കൊടുക്കാൻ തീരുമാനിച്ചു. കണ്ടനെ നിർബന്ധിച്ചു സമ്മതിപ്പിക്കുകയും ചെയ്തു. അങ്ങനെ വീടിന്റെ നിർമ്മാണം പൂർത്തിയായി. ഗൃഹപ്രവേശനം നടത്തി വീട് കണ്ടന് നൽകി. സംഭവമറിഞ്ഞ നമ്പൂതിരിക്ക് അത് തൻ്റെ മേൽക്കോയ്മയ്ക്ക് സംഭവിച്ച അടിയായി തോന്നി. കണ്ടനോട് പക തോന്നിയ നമ്പൂതിരി അദ്ദേഹത്തെ വകവരുത്താനായി തീരുമാനിച്ചു. അതിനായി തന്റെ കിങ്കരന്മാര ഏർപ്പാടാക്കിയ നമ്പൂതിരി കണ്ടനെ തന്റെ ഇല്ലത്തേക്ക് ക്ഷണിച്ചു. തിരിച്ചു പോവുന്ന വഴിയിൽ വച്ച് കണ്ടനെ അവർ വെട്ടിക്കൊന്നത്രേ.
പിന്നീട് ഇല്ലത്ത് പല ദുർനിമിത്തങ്ങളും കണ്ടപ്പോൾ അവർ പ്രശ്നം വെച്ച് നോക്കുകയും പ്രശ്ന ചിന്തയിൽ അരും കൊല ചെയ്യപ്പെട്ട കണ്ടനെ കുടിയിരുത്തി തെയ്യക്കോലമായി കെട്ടിയാടിച്ചാൽ മാത്രമേ പരിഹാരമാവുകയുള്ളുവെന്ന് ബോധ്യപ്പെട്ടു. അങ്ങനെ ചാത്തമ്പള്ളിക്കാവിൽ വിഷകണ്ടൻ ദൈവം ജനിച്ചു. ഇന്നും വിഷകണ്ടൻ ദൈവം കെട്ടിയാടിക്കുമ്പോൾ കാവിൽ നിന്നും കരുമാരത്തില്ലത്തേക്ക് പോവുന്ന പതിവുണ്ട്. വിശ്വാസികൾക്ക് വിഷകണ്ടൻ ദൈവമാവുമ്പോൾ തന്നെ ആ തെയ്യക്കോലം ജാതീയമായ ഉച്ചനീചത്വങ്ങൾക്കെതിരെയുള്ള അവസാനിക്കാത്ത പ്രതിഷേധങ്ങളുടെ പ്രതീകമായും മാറുന്നു
ദീപാവലി
*കാര്‍ത്തികമാസത്തിലെ കൃഷ്‌ണപക്ഷചതുര്‍ദശിയാണ്‌ ദീപാവലിയായി കണക്കാക്കുന്നത്‌.* അതായത്‌ കറുത്തവാവിന്‌ തലേന്നാള്‍. *ദീപാവലി ആഘോഷം സ്‌മരണപുതുക്കുന്നത്‌, രാമായണ, ഭാഗവതം കഥകളിലേയ്‌ക്കു തന്നെയാണ്‌.* വിജയദശമിനാള്‍ രാവണവധം നിര്‍വ്വഹിച്ചശേഷം ശ്രീരാമന്‍ കുറച്ചുദിവസങ്ങള്‍കൂടി ലങ്കയില്‍ തങ്ങി. രാവണന്റെ അനുജനായ വിഭീഷണനെ രാജാവായി വാഴിക്കുവാനായിരുന്നു അങ്ങനെ ചെയ്‌തത്‌. വിഭീഷണന്റെ അഭിഷേകശേഷം പരിവാരസമേതം അയോധ്യയിലേക്കു പുറപ്പെട്ട രാമന്‍ ഒരു കൃഷ്‌ണപക്ഷ ചതുര്‍ദശി ദിവസമാണ്‌ അയോധ്യയിലെത്തുന്നത്‌. *പതിന്നാലുവര്‍ഷങ്ങള്‍ക്കുശേഷം തങ്ങളുടെ കണ്ണിലുണ്ണിയായ രാമകുമാരന്‍ തിരികെയെത്തുമ്പോള്‍ അതിഗംഭീരമായ വരവേല്‍പ്പു നല്‍കുവാന്‍ രാജ്യം തീരുമാനിക്കുന്നു.* പുഷ്‌പകവിമാനത്തില്‍ ദൂരെ മൈതാനത്തു വന്നിറങ്ങിയ ശ്രീരാമന്‍ അവിടെ നിന്നും അനേകദൂരം സഞ്ചരിച്ചുവേണം രാജധാനിയിലെത്തുവാന്‍. *അലങ്കരിച്ച രഥത്തില്‍ രാജവീഥികളിലൂടെ സാവധാനം നീങ്ങിയ രാമനെ വീഥിയുടെ ഇരുവശത്തും ദീപാലങ്കാരങ്ങളോടുകൂടിയാണ്‌ സ്‌നേഹസമ്പന്നരായ അയോധ്യാജനത സ്വീകരിക്കുന്നത്‌. ഈ മഹാസ്വീകരണത്തിന്റെ ഊഷ്‌മളമായ സ്‌മരണയാണ്‌ ദീപാവലി.*
കൂടാതെ നരകാസുരവധത്തിനുശേഷം തിരികെയെത്തിയ ശ്രീകൃഷ്‌ണന്റെ സ്വീകരണമായും ചില ഗ്രന്ഥങ്ങള്‍ പറയുന്നു. *എന്തായാലും ദീപങ്ങളുടെ ''ആവലി'' അഥവാ നീണ്ടനിരയാണ്‌ ദീപാവലി. ഉത്തരേന്ത്യയിലാണ്‌ ദീപാവലി അതികേമമായി ആഘോഷിക്കുന്നത്‌. വീഥികള്‍തോറും ദീപങ്ങള്‍ തെളിച്ചും പടക്കങ്ങള്‍ പൊട്ടിച്ചും മധുരപലഹാരങ്ങള്‍ വിതരണം ചെയ്‌തും ജനങ്ങള്‍ ദീപാവലി ആഘോഷിക്കുന്നു.* _ദീര്‍ഘനാളായി തിന്മയുടെ കീഴില്‍ ഞെരിഞ്ഞമര്‍ന്നിരുന്ന സാധുജനത മോചനം ആഘോഷിക്കുന്നു. ദീര്‍ഘനാളായി പ്രിയമുള്ളവരുടെ വിരഹം സഹിച്ചിരുന്നവര്‍ ആനന്ദപൂര്‍വ്വം പുന:സമാഗമം ആഘോഷിക്കുന്നു. ദീര്‍ഘകാലം പലവിധത്തിലുള്ള വിഷമങ്ങളും പ്രയാസങ്ങളും മറ്റു ദുരിതങ്ങളും സഹിച്ചിരുന്നവര്‍ എല്ലാം മറന്ന്‌ ആഘോഷിക്കുന്നു._
The objective of education is not just to impart academic knowledge, but also to ensure the overall development of students. Education is complete and achieves its purpose only when the students become equipped to meet the challenges in every field of life, be it educational, social or cultural. The art Festival, organized annually by the college Union, provides an unparalleled forum for the students to test their intellectual and artistic . The opportunity that the Youth Festival offers them to exhibit their skills and talents in the field of culture, literary and other activities on a common platform certainly helps to facilitate their overall development. It opens before the students, new vistas of competition and at the same time, shows the strength of camaraderie, the pleasure of participation and the satisfaction of being part of one of the largest celebrations of their student life.
ഒക്ടോബർ 5
ലോക അധ്യാപക ദിനം(world teachers' day )
ഓരോ രാജ്യത്തിനും അതിന്റേതായ അധ്യാപക ദിനാചരണമുണ്ട്. എന്നാൽ 1994 മുതലാണ് ലോക അധ്യാപക ദിനം ആഘോഷിക്കാൻ തുടങ്ങിയത്. *Teaching in Freedom, Empowering Teachers'* എന്നതാണ് ഈ വർഷത്തെ പ്രമേയം. അധ്യാപകരുടെ തൊഴിൽ പരമായ സ്വാതന്ത്ര്യത്തിന് ഊന്നൽ നൽകി, പഠിതാവിന്റെ സാഹചര്യങ്ങൾക്കും പ്രതീക്ഷകൾക്കും അനുസൃതമായി വിദ്യാഭ്യാസത്തിന്റെ നിലവാരം ഉയർത്താനുള്ള പ്രവർത്തനങ്ങൾക്ക് ഊന്നൽ നൽകണമെന്ന് യുനസ്കോ നിർദ്ദേശിക്കുന്നു.
ഇരുപത്തൊന്നാം നൂറ്റാണ്ടിലെ വിദ്യാഭ്യാസം എന്ന യുനസ്കോ രേഖ (Learning: The Treasure Within --Jacques Delors report ) അറിവ് നേടൽ മാത്രമായി വിദ്യാഭ്യാസം ചുരുങ്ങരുത് എന്ന് നിർദ്ദേശിക്കുന്നുണ്ട്
അറിവ് നേടാൻ പഠിക്കുക (Learning to know) എന്നതിനൊപ്പം പ്രവർത്തിക്കാൻ പഠിക്കുക (Learning to do) പൂർണ്ണനാവാൻ പഠിക്കുക (Leaning to be) ഒരുമിച്ചു ജീവിക്കാൻ പഠിക്കുക (Leraning to live together) എന്നിവയായിരിക്കണം വിദ്യാഭ്യാസത്തിന്റെ ചതുർ സ്തംഭങ്ങൾ
പാഠപുസ്തകങ്ങൾപ്പുറം ജീവിതം പഠിപ്പിക്കുന്ന എല്ലാ അധ്യാപകർക്കും ഈ ദിനം സമർപ്പിക്കുന്നു
On 3 October NSS training college pandalam conducted a drawing competition on the theme Gandhi...
